大家好!!~~好耐無見..今晚唔知發咩神經訓唔著覺~平時呢個時候明明巳經訓到隻死豬咁~既然訓唔著就上黎寫下我個荒廢巳久既blog啦~費事真係同D唔多打電話聯絡既朋友斷哂線咁~~ (唉....好耐無用屋企部腦打字...好似就黎唔識打字咁..) 首先多謝YAN小姐的邀請~~不過我都係唔去碧波暢泳喇~~皆因本人不能曬黑..而且身形嚴重走樣不便穿太少見人...另請問YAN小姐何時有空同我們三小人進行室內活動呢? 至於去泳池游水...Emily , 華珠..我真係好想去.....點知老天爺殘酷地對待我,係要落雨落足成個禮拜.....可愛既親戚今日又要失驚無神黎探我...搞到我呢咁hai...游水既日子變得遙遙無期.... 近日...有個好友跟拍拖拍了很久的男友分手了...開始聽落感到很噩然...不過我身為旁人不方便討論那麼多...但很抱歉...在妳的笑臉之下我察覺不到妳長久以來的不開心...祝以後事事順境......識到靚仔我會即刻彈俾妳!.....之後...佢就係我耳邊不斷叫我唔岩好快d同人散之類....哈!向我施咒...想拖埋我落水~~ 各位..我最近電左髮...唔...暫未有劣評...遲d影番張靚相上黎~ 至於..以下係我趁空閒間影左幾張公司照上黎...um...我愛公司...我既工作...我既同事(不過俾老細鬧我果時除外)  這是我既靚靚辦公檯
其實真面目係地下仲有一大堆野未搞掂....檯面平時都係凌亂不堪的...IRENE日日都話我個位是垃圾崗...孤寒IRENE仲話要同我劃清界線, 唔好過佢條界喎....不過最近我已經清左地下D衫架喇..  這些都是我的...梳化也被我罷占了 這是後面的showroom~
這是亞雪從泰國買回來給我的手信...THANKS!亞雪 不過唔知點解由泰國買番黎但係會係韓國貨...又當我滿心歡喜拆開貓貓果盒memo紙...(註:我以為會有公仔 or 好 Colorful的) 不過當開左...入面全部都係令人好Dry既白紙...當堂Down 哂.....Anyway, i love u~~~~~~亞雪 本篇小說完畢...各位早抖 | 
